विजयघोषणा! कसको?

फहराइन्छन् झण्डा, बजाएर नगरा
पिटिन्छ अनि ढोल विजयघोषणाको ।
"कसको?"
"धोखेबाजीमा पोख्त धूर्त्याइंका पण्डितको"

हांसजस्तो स्वच्छ-सफेद, सुन जडेको चमरपंख
चढाइएको छ पामरलाई मानपदवी कम्मरबन्द
तिनको शिरमा फेटा-पगडी, सजिएको टोपी
जो छन् साह्रै दक्ष-प्रवीण, कलहकलामा पारंगत

रहेन औकात सोच्नेबुझ्ने, आफ्नै बूताले केही गर्ने

शठका ढाडमा नाक रगड्दै, उसकै पछि कुद्नाले

खुंदेका छन् सिंहको शय्या, मक्कारीमा टिकिजित्नेले
मान्छे भएछन् परजीवी पराश्रित, अर्काकै भरमा हिंड्नाले